DIJUAL CEPAT VILLA

DIJUAL CEPAT VILLA

Lokasi : Jln . Raya Uluwatu No. 2B, Kuta Selatan

Denpasar Bali – (Lokasi sebelum GWK)

Luas Tanah : 700 M2

Luas Bangunan : 400 M2

SPECC : 1. 3 Kamar Tidur + Kamar Mandi

2. Ruang Makan

3. Ruang Keluarga

4. Dapur

5. Tempat Jaga

6. Kolam Renang

Listrik : 10.000 Watt

Harga : Rp. 10.000.000.000,- (Sepuluh milyar rupiah)

Bisa nego langsung pemilik

Status : SHM

Regards

Made L. Wijaya

HP. 0812 949 9049

HP. 0813 1102 2449

Informasi Lengkap silakan Klik :

http://olx.co.id/iklan/villa-dijual-cepat-IDoDbbL.html

Kamis, 18 Februari 2010

Wayan Giri


Kacrita ada dagang sate madan Wayan Giri. Sadina-dina ia mailehan ngadep sate. Semengan ia madagang di peken. Suba tengai ia madagang di tajen. Suba sanja ia madagang di lebuhne. Ia stata lais madagang. Sawireh ia madagang mudah. Anake ngadep sate aji satak. Ia bani ngadep aji satus. Kanti liu ia ngelah langganan. Mawinan ia dadi sugih.

Nanging Wayan Giri anak pripit. Ia tusing lega makidihang. Yadin ada anak ngidih tulungan. Ia dadi ati teken anak tiwas. Pipisne petekina sesai. Sabilang peteng jangkutina. Kasugihanne anggona bebanggan. Dugas Reditene Wayan Giri keweh, sawireh tusing maan meli celeng mudah. Ia ngijengin kasugihan jumah. Katuju pesan pisanganne teka. Madan Pekak Lacur. Ia suba odah. Awakne berag tur daki. Kulitne kisut tur suba uban. Lima muah batisne suba enduk. Basangne lengkek tur sebengne layu. Ditu anake odah nagih ngidih nasi.
"Wayan ! Baang pekak ngidih nasi atemelosan ! Pekak suba tua, tusing nyidayang magarapan. Uli semengan Pekak tusing madaar."
Wayan Giri bangun uli pasarean. Lantas majujuk di undage. Sambilanga matungked bangkiang. Sebengne jenger tur jering makabkaban. Laut nunden anake odah magedi. 


"Ngudiang mai idih-idih ? Keto suba upah anake mayus. Enyen bakal maang ngidih ? Jani masan pada maal ".



Pekak lacur ngalingus magedi. Jengah pesan kenehne. Tusing ada idihina nasi. Wayan Giri enu negak di undage. Kenehne enu sempuut. Sawireh tusing ada anak teka bakal ngadep bangkung mati.
Buin kejepne teka Made Lara. Pajalanne nyeruyung, sawireh batisne enduk. Sebengne layu dudus, sawireh sebet pesan kenehne. Ngelah pianak sedekan gelem. Ia tusing ngelah pipis. Ditu ia ngorahang nyilih pipis.

"Beli Wayan ! Olasin tiang ngidih tulung. Baang tiang nyilih pipis. Anggon tiang meli ubad".


Wayang Giri buin bangun. Lantas matungked bangkiang. Sebengne jengat tur pedih. Muanne barak makereban. Limanne tudang-tuding buka anak buduh.
"Ngudiang mai nyilih pipis ? Kadena aluh anake ngalih pipis. Icang sesai tuyuh. Peluh pidit ngalih gae. Menyi dekil uyak abu. Selem denges dusdus andus. Enyen bakal maang nyilih ? Jani makejang sukeh".


Made Lara makilesan pesu. Buka tebek kenehne naanang jengah. Wayan Giri enu nongos jumah. Kenehne sayan keweh. Sawireh galahne suba tengai. Nanging tonden ada anak teka, bakal ngadep celeng mati.
Made Lara enu majalan di lebuhne. Saget kacunduk ngajak Pekak Lacur. Ditu ia pada nuturang dewek. Made Lara ngorahang dewek pocol. Ngidih tulungan teken Wayan Giri.


"Dadi ati pesan Wayan Giri. Tumben tiang nyilih pipis. Teka dadi atine tusing maang".


Pekak Lacur lantas masaut banban basangne seduk. Angkihanne angseng-angseng. Ngorahang dewekne masih pocol.


"Eda bas sanget ! Pekak masih keto. Tumben Pekak ngidih nasi. Nanging ia tusing maang. Ento awanan Pekak megedi. Wayan Giri mula brakapakan. Eda ento sangetanga. Eda ngaba keneh jelek. Jalan melahne alih. Eda nuutin Wayan Giri. Ngadep sate mudah-mudah, malakar celeng gelem muah bangkung mati".


Wayan Giri sayan udu. Sawireh liu anake nawang. Ia ngadep sate bebangkan. Mawinan suud ngadep sate. Jani ia madagang soto. Sesai ia nampah siap. Mabasa jaen tur ngulen. Nanging tusing ada anak meli. Sawireh kasengguh soto bebangkan.


Wayan Giri sayan inguh. Daganganne tusing patilaku. Tuyuhe tusing mapikolih. Yadin semengan yadin sanja setata udu. Kanti gelem ia naanang pocol. Jani ia tusing nyidayang bangun. Sesai ia aduh-aduh di pedeman.
Nuju dina Redite ia paling. Basangne marasa sakit. Linter-linter buka kilit. Peluhne pesu matah-matah. Glalang-gliling mapelisahan. Buka bakal mati kenehne. Ditu ia megelunan ka pisaga.


"Made, Made Lara ! Tulungin tiyang uyang. Pekak, Pekak Lacur ! Tulungin tiang paling. Adu,aduh,aduh... ! Basang tiange sakit. Duur tiange uyun. Awak tiange panes. Liman tiange ngejer. Batistiange ngetor ".


Prajani pisaganne teka. Made Lara ngaba boreh. Pekak Lacur ngaba simbuh. Muah asaban cenana jenggi. Wayan Giri nyelempang di plangkane. Made Lara ngurut batisne aji ngasabang cenana. Sasubane liu tur buket laut baanga Wayan Giri. Ditu ia ngangsehang nginem lolohe. Lantas pules maplekes. Made Lara muah Pekak Lacur enu nongosin Wayan Giri.


Makelo suba Wayan Giri pules. Awakne suba segeran. Sakit basangne suba ilang. Jani ia ngrayang-ngrayang bangun. Lantas negak maplengek. Dapetanga Made Lara muah Pekak Lacur incuh ngayahin. Ditu ia ngeling mapangenan.
"Made muah Pekak ! Olas pesan nulungin tiang. Das-dasan pesan tiang mati, yening tusing maan pitulung. Tiang kapok masolah pripit. Uli jani tiang bakal masalin. Tiang bakal suud demit. Pipis tiange bakal anggon tiang matulung".
Wayan Giri nyalinin tingkah. Uli demit dadi bares. Demen nulungin timpal. Yaning ada anak odah, ia ngayahin aji laksana. Yaning ada anak tiwas, ia nulungin aji arta brana. Keto mula laksanan anake mapisaga muah menyama braya.

Pan Bagia Teken Pan Bonggan olih Sabha Sastra Bali, Denpasar.

1 komentar:

Buku Tamu