Ngambar 3D Telung Dimensi

Wantilan Pura

I Rare Angon sebilang dina wantah ngambar telung dimensi (dimensi sing tawang basa Baline). Telung dimensi (3d) puniki kagambar ngangge software (buin sing tawang), software autocad. Uli nedas lemah nganti kepeteng geginane wantah ngambar, ngambar tur ngambar. Boya ja dueg ngambar, sakewala komputere ane ngambar. Jaman sekadi mangkin, ketrampilan iraga sane mautama, ketrampilan kaperluang ring sekancan genah mekarya.

Seluwir kekaryan ring jagate, medasar antuk ketrampilan. Sira sane terampil pastika ngamolihang genah mekarya sane becik. Terampil ngambar bisa maan gae tur kapecarya olih anak siosan. Terampil mengatur bisa dados boss, terampil mengelola uang bisa dadi bendahara utawi bagian keuangan.

Niki silih situnggil hasil ngambar I Rare Angon, sane siosan dados rauh ring blog http://eben3d.blogspot.com




Gambar Wantilan puniki I Rare Angon ngaturangayah ring Panitia Pembangunan. Dados nak Bali, ngaturangayah pinih mautama. Angayu bagia pisan I Rare Angon prasida ngaturangayah melarapan antuk ngambar puniki. Dumogi rigelis prasida kawangun wantilan puniki.

Ring semeton-semeton I Rare Angon, minab wanten sane kewangun ring genah druwene, sekadi sekolah pasraman, wantilan, titiang saking tulus iklas jagi ngaturangayah ngambar telung dimensi rancangan semeton. (RANBB)